പ്രണവ് മോഹല്ലാല് നായകനായെത്തുന്ന അരുണ് ഗോപി ചിത്രം ഇരുപത്തിയൊന്നാം നൂറ്റാണ്ടിന്റെ ട്രെയിലര് പുറത്തിറങ്ങി. മോഹന്ലാല് തന്റെ ഒഫീഷ്യല് ഫെയ്സ്ബുക്ക് പേജിലൂടെയാണ് ട്രെയിലര് പുറത്തു വിട്ടത്. തകര്പ്പന് ആക്ഷന് രംഗങ്ങളുടെ അകമ്പടിയോടെയാണ് ട്രെയിലര് എത്തിയിരിക്കുന്നത്. സ്റ്റണ്ട് മാസ്റ്റര് പീറ്റര് ഹെയ്നാണ് ഈ ചിത്രത്തിനും സംഘടനം ഒരുക്കുന്നത്. ചിത്രത്തില് നായികയായി എത്തുന്നത് സായാ ഡേവിഡ് ആണ്
ഇരുപതാം നൂറ്റാണ്ടില് മോഹന്ലാലും സുരേഷ് ഗോപിയും പ്രധാന കഥാപാത്രങ്ങളെ അവതരിപ്പിച്ചുവെങ്കില്, ഈ ചിത്രത്തില് താര പുത്രന്മാരായ പ്രണവും, ഗോകുലും ഒന്നിച്ചെത്തുന്നു എന്നതാണ് പ്രത്യേകത. മോഹന്ലാല് നായകനായെത്തിയ ഇരുപതാം നൂറ്റാണ്ട് വന്വിജയമാണ് നേടിയത്. അതില് മോഹന്ലാലിന് വില്ലനായി വേഷമിട്ടത് സുരേഷ്ഗോപിയായിരുന്നു. രാമലീലക്ക് ശേഷം അരുണ് ഗോപി സംവിധാനം ചെയ്യുന്ന ചിത്രം ടോമിച്ചന് മുളകുപാടമാണ് നിര്മിക്കുന്നത്. ചിത്രം ജനുവരി 25 ന് തിയേറ്ററുകളിലെത്തും.